ShQO qutqarýshylary muzdaǵy jazataıym oqıǵalardyń aldyn alý úshin 1694 ret reıdke shyqty

ÓSKEMEN. QazAqparat – Shyǵys Qazaqstan oblysynyń qutqarýshylary muzdaǵy jazataıym oqıǵalardyń aldyn alý úshin 1694 ret reıdke shyqty, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, kóktem kelip, kún jylynysymen muz ústinde balyq aýlaý óte qaýipti. Alaıda qaýipsizdikti oılamaıtyn balyqshylar da kezdesedi.

«Shyǵys Qazaqstanda 2021-2022 jylǵy qys mezgilinde balyq aýlaý kezinde 3 adam sýǵa ketti. Qutqarýshylar sý aıdyndarynda jazataıym oqıǵalardyń aldyn alý úshin profılaktıkalyq jumystar júrgizýde», - delingen aqparatta.

Osy ýaqytqa deıin 1694 reıd júrgizilgen. Balyqshylarǵa muzdaǵy qaýipsizdik sharalaryn túsindirý úshin 14 848 jadynama taratyldy. Basty maqsat – adamdarǵa juqa muzdyń qaýiptiligi týraly eskertý. Qutqarýshylar apta saıyn nusqaýlyqtar da ótkizedi.

«Qystyń basynan barlyǵy 7140 ret nusqaýlyq ótkizilgen. Sondaı-aq qutqarýshylar mektepterge baryp, balalarǵa juqa muzǵa shyǵý óte qaýipti ekenin túsindirýde», - delingen habarlamada.