ShQO qutqarýshylary muzda qalyp qoıǵan 15 balyqshyǵa kómektesti
ÓSKEMEN. QazAqparat – Shyǵys Qazaqstan oblysy Tótenshe jaǵdaılar departamentiniń qutqarýshylary muzda qalyp qoıǵa 6 kóliktegi15 balyqshyny qutqardy, dep habarlaıdy QazAqparat ShQO TJD baspasóz qyzmetine silteme jasap.
Baspasóz qyzmetiniń derekterine qaraǵanda, oqıǵa 15 naýryzda Buqtyrma sý qoımasyndaǵy tabandy qara ýchaskesinde bolǵan.
Arqan men «TREKOL» arnaıy tehnıkasynyń kómegimen ShQO TJD jedel qutqarý jasaǵynyń qutqarýshylary qar qursaýyndaǵy 6 kólikti qardan sýyryp alyp, joldyń tazalanǵan ýchaskesine súırep shyǵardy.
Balyqshylar qystaǵy balyq aýlaýǵa kelip jaǵalaýdan 3 shaqyrym jerde aýa raıynyń saldarynan eshqaıda shyǵa almaı qalǵan. Olarǵa qutqarýshylardyń kómekgi qajet boldy.
ShQO TJD boran soǵatyny týraly aldyn ala eskertý jasaǵan. Qutqarý jumystary aıaqtalǵan kezde balyqshylardyń ózderi azamattarǵa osyndaı jaǵdaılarǵa tap bolmasy úshin TJ qyzmetiniń keńesterin este saqtaýǵa shaqyrdy.
2021 jylǵy 14-15 naýryz aralyǵynda osy ýchaskeden qutqarýshylar 26 balyqshy men 11 kóliktiń qardan shyǵýyna kómektesken.
«ShQO TJD qolaısyz aýa-raıy kezinde jolǵa shyqpaýdy, aýa raıyna baılanysty jáne joldardyń jaǵdaıy týraly eskertýdi «Darmen» qosymshasynan bilýge bolatynyn eskertedi. Tótenshe jaǵdaı kezinde 112 nómirine habarlasyńyz»,-delingen habarlamada.
