ShQO qutqarýshylary kún saıyn 10-nan astam dala órtin sóndirýge barady
ShQO tótenshe jaǵdaılar departamenti baspasóz qyzmetiniń málimetine súıensek, óńirde osy aıda órt qaýpi joǵary kezeń bastaldy.
Ádette, bul kezeńde ashyq alańda shóp órti jıi bolady.
«Qutqarýshylar bir táýlik ishinde 10-15 ret daladaǵy órtti aýyzdyqtaýǵa attanyp júr. Jaǵdaıdy turaqtandyrý jáne halyqqa órt qaýipsizdigi erejelerin túsindirý úshin TJD mamandary saıajaılarda reıd uıymdastyrdy. Sonyń barysynda saıajaı ıelerine órt qaýipsizdigi talaptary jáne buzýshylyqtar úshin kózdelgen jaýapkershilik týraly túsindirildi», - delingen aqparatta.
Vedomstvo dereginshe, QR ÁQBtK-niń 336-babyn buzǵandarǵa - 20 AEK, ıaǵnı 69 000 teńge mólsherinde aıyppul salynady.
Órt qaýpi joǵary kezeńde eldi mekenderdiń, uıymdardyń, saıajaı qaýymdastyqtarynyń aýmaǵyn janǵysh qaldyqtan, qoqystan, ydystan tazartý qajet.
Ot jaǵýǵa, qaldyqtar men ydystardy órteýge – ǵımarattar men qurylystardan keminde 50 metr qashyqtyqta jáne jelsiz aýa raıynda, órt sóndirý quraldary bolǵan kezde ǵana ruqsat etilgen.