ShQO qutqarýshylary kún saıyn 10-ǵa jýyq ret mamyqty sharpyǵan órtti sóndirýge barady
ÓSKEMEN. QazAqparat – Shyǵys Qazaqstan oblysynyń qutqarýshylary kún saıyn 10-ǵa jýyq ret mamyqty sharpyǵan órtti sóndirýge barady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar kún saıyn mamyqty sharpyǵan órtpen kúresýge májbúr.
«Jaz kelisimen oblysta mamyqtyń órtený oqıǵalary jıilep ketedi. Órt sóndirýshiler kúnine 10 retke deıin osyndaı órtti aýyzdyqtaýǵa barady. Kóbinese, buǵan turǵyndardyń otpen abaısyz bolýy jáne balalardyń mamyqty órtep, jalynnyń taralýyn qyzyǵýshylyqpen baqylap otyrýy sebep», - delingen aqparatta.
Mamyq janǵysh untaq sııaqty óte jyldam janyp, jan-jaqqa ot shashady. Sonymen qatar terektiń mamyǵy garajdarǵa, ǵımarattarǵa jáne úılerge qaýip tóndiredi.
Osy rette, oblystyq TJD qyzmetkerleri azamattardy kelesi órt qaýipsizdigi erejelerin saqtaýǵa shaqyrdy:
- Mamyq jınalatyn jerlerdiń janyn únemi tazalap, sý shashyp otyrý kerek.
- Balalar men jasóspirimderge mamyqty órtep oınaýyna jol bermeý qajet.
- Mamyq kóp jerlerde qoqys jaǵýǵa qatań tyıym salynǵan;
