ShQO qutqarýshylary qar qursaýynda qalǵan adamdarǵa kómektesti
ÓSKEMEN. QazAqparat – Shyǵys Qazaqstan oblysynda qutqarýshylar qar qursaýynda qalǵan kólikti shyǵardy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Karagýjıha aýylynan Mitsubishi Pajero avtokóligimen Rıdder qalasyna qaraı bet alǵan eki adam jolda qalǵan.
«Oqıǵa ornyna birden qutqarýshylar attandy. Olar Volchıha aýylynan 17 shaqyrymdaı jerde kólikteri qarǵa batqan azamattarǵa kómek kórsetý úshin jol talǵamaıtyn «Trekol» tehnıkasymen kelip jetti. Kóp uzamaı kólik qar qursaýynan shyǵaryldy. Eki er adamǵa medıtsınalyq kómek qajet bolǵan joq», - dep habarlady vedomstvo ókilderi.
Esterińizge sala ketsek, osyǵan deıin Shyǵys Qazaqstan oblysynda birqatar tasjoldyń qaıta ashylǵanyn habarlaǵan bolatynbyz.
