ShQO qutqarýshylary ǵarysh monıtorıngi arqasynda 4 órtti anyqtap, ýaqtyly sóndirdi

ÓSKEMEN. QazAqparat – Shyǵys Qazaqstan oblysynyń qutqarýshylary sáýir aıynyń basynan beri ǵaryshtan monıtorıng jasaýdyń arqasynda ashyq alańdaǵy 4 órtti anyqtap, ýaqtyly sóndirdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, osy aıdyń basynan beri óńir qutqarýshylary kúsheıtilgen rejımde jumys istep jatyr.

Olar shóp janýyn sóndirýge 31 ret shyǵyp, 39 gektar alańdaǵy 3 dala órtin aýyzdyqtady.

«Ashyq alańda shyqqan qyzyl jalyndy der kezinde anyqtap, onyń ary qaraı taralýyna tosqaýyl qoıý úshin TJD qyzmetkerleri ǵaryshtan monıtorıng jasap júr. «Geosat» JShS kómegi arqyly jylý núkteleri anyqtalady. Búgingi tańda sol tehnologııalardyń kómegimen sáýir aıynyń basynan 4 órt tirkelip, jedel túrde óshirildi», - delingen aqparatta.

Kún saıyn 24/7 formatynda ǵaryshtyq túsirilim derekterin jedel qabyldaý jáne saqtaý júrgiziledi. Bul - alapat órtterdiń aldyn alýda taptyrmas qural.

Eske salsaq, osyǵan deıin Shyǵys Qazaqstan oblysynda bıyl halyqtyń otty abaısyz paıdalanýynan 46 ret órt shyqqany habarlanǵan.