ShQO qutqarýshylary dárigerdi naýqasqa KamAZ-ben jetkizdi
ÓSKEMEN. QazAqparat – Shyǵys Qazaqstan oblysy Glýbokoe aýdanynda qutqarýshylar jedel járdem qyzmetkerleriniń naýqasqa jetýine kómektesti, dep habarlaıdy QazAqparat.
Óńirde kúnniń kúrt jylyp, qardyń erýine baılanysty Glýbokoe aýdanynda keıbir joldardy sý basyp, kólik qozǵalysy qıyndady. Bıylǵy qysta qutqarýshylar qalyń qardyń qursaýynda qalǵan Krasnoıar aýyldyq okrýgine qarasty Avrora stantsııasynyń turǵyndaryna kóp márte kómekke kelgen edi.
«8 sáýir kúni densaýlyǵy syr bergen 1948 jylǵy zeınetker úıge medıtsına qyzmetkerlerin shaqyrtqan. Alaıda jádel járdem kóligi stantsııaǵa 10 shaqyrymdaı jerde jolda qaldy. Naýqasqa tezirek jetý kerek bolǵandyqtan olar qutqarýshylarǵa habarlasqan. Olar KamAZ-ben aq halattylardy dittegen jerge jetkizip tastady», - dep habarlady ShQO Tótenshe jaǵdaılar departamentiniń baspasóz qyzmetinen.
Dáriger qarııaǵa alǵashqy medıtsınalyq kómek kórsetip, aýrýhanaǵa jatqyzý týraly sheshim qabyldady. Sodan soń qutqarýshylar naýqasty jedel járdem kóligine deıin jetkizip bergen.
