ShQO qutqarýshylary boranda qalǵan 6 adamǵa kómekke keldi

ÓSKEMEN. QazAqparat – Shyǵys Qazaqstan oblysynyń qutqarýshylary boranda jolda qalǵan 6 adamdy, onyń ishinde eki balany qaýipsiz jerge kóshirdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Glýbokoe aýdanyndaǵy Serjıha men Kishi Úbe ózenderiniń túıisken jerindegi jolda «Nıssan Patrol» jáne «ÝAZ» markaly avtokólikter boranda júre almaı qalǵan. Kólikterde barlyǵy 6 adam, onyń ishinde eki bala boldy.

«Qutqarýshylar jolaýshylarǵa jol talǵamaıtyn «Trekol» kóligimen kómekke keldi. Olardy qar qursaýynan evakýatsııalap, Óskemenge jetkizdi. Zardap shekken eshkim joq Azamattar demalys ornynan shyǵyp, úılerine qaıtyp bara jatqan jolda boranǵa tap bolǵandyqtaryn aıtty», - delingen aqparatta.

Osy rette, oblystyq TJD mamandary óńir jurtshylyǵyna alys jolǵa shyǵar aldynda barynsha abaı bolýǵa shaqyrady. Tótenshe jaǵdaı týyndaǵan kezde birden «112» telefon nómirine qońyraý shalý qajet.