ShQO qutqarýshylary bıyl qıyndyqqa tap bolǵandarǵa 175 ret kómekke attandy
ShQO Tótenshe jaǵdaılar departamenti baspasóz qyzmetiniń málimetine súıensek, bıyl qutqarýshylar ártúrli apattyq-qutqarý jumystaryna 175 ret attandy.
«Nátıjesinde, 71 adam evakýatsııalanyp, 20 adam qutqaryldy. Onyń ishinde 6 bala bar. Shuǵyl jaǵdaılarda Apattar medıtsınasy ortalyǵynyń dárigerleri de kómekke kelgen. Ortalyqtyń oblystyq fılıalynda 11 dáriger jumys isteıdi. Bıyl olar 11 órtke, 3 jol-kólik oqıǵasyna bardy. Zardap shekken 6 azamatqa kásibı kómek kórsetildi», - delingen aqparatta.
Qys kezinde medıtsına-qutqarý pýnktteri jumys istep tur. Óńir boıynsha osyndaı 4 pýnkt bar. Jyl basynan bastap 2 adam kómekke júgindi.
«Oqys oqıǵalar qashanda kenetten bolady. Bul sátte sol jerge jyldam kelip, kásibı kómek kórsetý óte mańyzdy. Qutqarýshylar óz densaýlyǵyn qaterge tigip, mindetterin atqarady. Olar azamattardyń qaýipsizdigi úshin óz jandaryn qııýǵa daıyn turady», - dedi oblystyq TJD bastyǵynyń orynbasary Dmıtrıı Tıtov.
