ShQO qutqarýshylary bir apta boıy úıine jete almaǵan 11 adamǵa kómekke keldi

ÓSKEMEN. QazAqparat – Shyǵys Qazaqstan oblysynyń qutqarýshylary boran saldarynan bir apta boıy úılerine jete almaǵan 11 adamǵa kómekke keldi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa Glýbokoe aýdanynda bolǵan.

Volchıha aýylynda turatyn 11 adam eldi meken syrtyndaǵy úıge barǵan. Alaıda qalyń qar jaýyp, qatty boran soǵyp ketkendikten úıine múlde jete almaı qaldy.

Olar bir apta boıy aýa raıynyń jaqsarǵanyn kútýmen boldy. Alaıda boran qaıtpaǵan soń qutqarýshylarǵa habarlasyp, kómek suraǵan.

«Kómekke TJD jedel qutqarý jasaǵynyń qutqarýshylary jol talǵamaıtyn «Sherp» kóligimen kelip jetti. Barlyq turǵyn aman-esen úıine jetkizildi. Azamattarǵa medıtsınalyq kómek qajet bolǵan joq», - delingen aqparatta.

Osy rette departament mamandary jurtshylyqqa óńirde daýyldy eskertý saqtalatynyn eske saldy.

Ázirge alys saparǵa shyǵýdan bas tartqan jón.

Kadr ız vıdeo/instagram.com/shygysqaz_tjd