ShQO qutqarýshylary: Balyq aýlaý – qaýipti hobbı
«Protsestiń qyzyqty ekendigi sonsha, balyq aýlaýdy unatatyndar ózenderge nemese kólderge keıbir jaǵdaılarǵa qaramastan barady jáne onyń sońy qaıǵyly oqıǵaǵa da ákep soǵyp jatady. TJD qyzmetiniń qysqy qorytyndylarynda balyqshylarmen bolǵan oqıǵalar týraly aqparat jıi kezdesedi», - deıdi ShQO TJD jedel qutqarý jasaǵynyń qutqarýshysy Vladımır Sýbbotın.
Qutqarýshy balyq aýlaýǵa shyqqanda ilmegi bar arqan alyp júrýdi usynady.
«Bir ushynda pyshaq nemese ilmek bolsa, sátsizdikke ushyraǵan jaǵdaıda muzdyń shetine ilinip, sýdan shyǵýǵa bolady. Burǵyny túzetilgen kúıde alyp júrý kerek, ol qutqarý quraly bola alady. Tótenshe jaǵdaıda qutqarýshylarǵa qońyraý shalý úshin zarıadtalǵan telefondy alyp júrińiz. Alkogoldi qabyldamaǵan durys: adam ony tutynǵan kezde aldymen tamyrlardyń keńeıýi, sodan keıin olardyń tarylýy paıda bolady, bul tez qatyp qalýǵa ákeledi», - deıdi ol.
Sondaı-aq, muzdaǵy qaýipsizdik sharalary:
- eń aldymen, muzdaǵy joldy nemese izderdi tabyńyz. Eger olar bolmasa, jaǵadan qozǵalys baǵytyn belgileńiz.
- kúdikti jerlerdiń bar-joǵyn aldyn ala qarańyz.
- sý aǵyny tusynda muz álsiz bolýy múmkin ekenin umytpańyz. Butalardyń, qamystyń janynda, qar úıindileriniń astynda, baldyrlar muzǵa qatyp qalǵan jerlerde juqa jáne synǵysh muz bolady.
- muzdyń beriktigin tekserý úshin ózińizben birge taıaq alyńyz. Eshbir jaǵdaıda muzdyń beriktigin aıaǵyńyzdyń soqqysymen teksermeńiz!
- túnde muzǵa shyqpańyz.
- muz jaryla bastaǵan jaǵdaıda, dereý keri qaıtý kerek, tek júgirmeńiz, biraq aıaǵyńyzdy muzdan kótermeı baıaý júrińiz!
- bir-birine jaqyn jerden muzdy kóp tespeńiz.
- bir jerde úlken toptarǵa jınalmańyz.
Eger sizdiń astyńyzdaǵy muz synsa:
- qoldaryńyzdy muzdyń shetine qoıyńyz, sonda siz betinde qalyp, muzdyń astyna túspeısiz jáne kómekke shaqyra alasyz.
- sabyrly bolýǵa tyrysyńyz.
- oqys qımyl jasamańyz, aldymen keýdeńizben muz betine shyǵýǵa tyrysyńyz, sodan keıin aıaǵyńyzdy kezekpen sozyńyz.
- muz tutqynynan shyqqannan keıin aınalaǵa karap, qaı jaqtan kelgenińizdi baıqańyz jáne muzdyń beriktigi tekserilgen jerge qaraı júrińiz.
Muz astyna túsken adamǵa kómek kórsetý kezinde oǵan jaqyndaýǵa bolmaıdy. Qolyńyzda uzyn taıaqsha, taqta, arqan nemese basqa zattar bolsa jaqsy, olardy kómek kórsetý úshin paıdalaný kerek. Eger eshteńe bolmasa, onda siz ımprovızatsııalanǵan quraldarmen – belbeýmen, sharftarmen, kýrtkamen kómek berýge tyrysý kerek. Biraq, kómek kórsetý úshin qosalqy zattar joq jaǵdaılar bolýy múmkin. Bul jaǵdaıda birneshe adam muzǵa jatyp, jábirlenýshige qaraı tizbektelip, bir-birin aıaǵynan ustap turady, al birinshisi jábirlenýshige beldik, arqan jáne t.b. berýine bolady.
Adamnyń muzda qaýipsiz bolýynyń negizgi sharty: muzdyń qalyńdyǵynyń berilgen júktemege sáıkestigi:
- bir adamǵa arnalǵan muzdyń qaýipsiz qalyńdyǵy – keminde 7 sm;
- jaıaý ótkel salý úshin muzdyń qaýipsiz qalyńdyǵy – 15 sm jáne odan da kóp;
- kólikterdiń ótýi, buqaralyq sporttyq jáne merekelik is-sharalardy uıymdastyrý úshin muzdyń qaýipsiz qalyńdyǵy – 30 sm jáne odan da kóp.
Daýyldy eskertýler, aldaǵy kún raıynyń ózgerýi týraly aqparatty eskerý kerek. Eger boran, qar erý, kóriný shekteýli bolsa, onda adasyp ketý yqtımaldyǵy óte joǵary. Eskertýlerdi tyńdap, balyq aýlaýǵa shyqpaǵan durys.
Balyq aýlaý úshin tek synalǵan jáne jaqsy zerttelgen jerlerdi tańdańyz. Bul balyq aýlaýdyń esh qıyndyqsyz ótýin qamtamasyz etedi, siz kóńildi bolasyz jáne úıge aman-esen oralasyz.
Tótenshe jaǵdaı kezinde 112 nómiri boıynsha habarlańyz.
Aıta ketsek, óńirde balyq aýlaý kezinde sý aıdyndarynda 2020 jyly 3 adam, 2021 jyly 4 adam, 2022 jyly 1 adam sýǵa batyp ketti.
