ShQO qutqarýshylary balalarǵa sýdaǵy qaýipsizdik erejesin úıretetin mýltfılm shyǵardy
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar balalardy qaýipsizdik negizderine oqytý úshin erekshe qadamdar jasaýda. Máselen, departament qyzmetkerleri «Tentek pen Aııa» mýltfılminiń kezekti serııasyn shyǵardy. Onda balalardyń sýdaǵy júris-turys erejeleri týraly aıtylady.
Bıylǵy anımatsııalyq fılmdi jasaýshylar balalarǵa sý qoımalaryna eresektersiz barý qanshalyqty qaýipti ekenin jáne árqashan qaýipsizdik sharalaryn qaperde ustaý kerektigin eskertedi. Tańdalǵan taqyryp óte ózekti. Sebebi jazda balalardyń sýǵa ketý oqıǵalary az tirkelip jatqan joq.
«Balalardyń mýltfılmderdi qalaı jaqsy kóretinin bilemiz. Sondyqtan qaıǵyly jaǵdaılardyń aldyn alý úshin dál osyndaı ádisti qoldanýdy sheshtik», - deıdi mýltfılm avtorlary.
Keń aýqymdy profılaktıkalyq jumystardyń, ótkizilgen naýqandar men reıdterdiń arqasynda óńir boıynsha balalardyń sýda qaza bolýy 2021 jyldyń uqsas kezeńimen salystyrǵanda 2,5 ese tómendedi.
Vıdeodan alyn ǵ an kadr