ShQO qutqarýshylary «Balalardy jalǵyz qaldyrmańyz» aktsııasyn ótkizdi
ÓSKEMEN. QazAqparat - Shyǵys Qazaqstan oblysynyń qutqarýshylary «Balalardy jalǵyz qaldyrmańyz» aktsııasyn ótkizdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, aktsııa aıasynda Óskemen qalasyndaǵy saıabaqtardyń birinde órttiń aldyn alý negizderi jáne sýda júrý erejeleri boıynsha qaýipsizdik vıktorınalary uıymdastyryldy.
Balalarǵa túrli saýaldarǵa durys jaýap berý qajet boldy. Qutqarýshylar jeńimpazdardy qaıyqqa mingizip, órt sóndirý kóliginiń rýline otyrǵyzdy. Іs-sharaǵa barlyǵy 500-den astam bala qatysty.
«Aktsııa balalardyń qaýipsizdigin qamtamasyz etýge, ata-analardyń nazaryn búldirshinderdi qaraýsyz qaldyrý máselesine aýdarýǵa baǵyttalǵan. Óz balalarymyzdyń bos ýaqytyn tıimdi paıdalanyp, qaýipsizdik erejelerin úıretý qanshalyqty mańyzdy ekenin kórsetkimiz keldi», - delingen habarlamada.
Aktsııany oblystyq jastar resýrstyq ortalyǵynyń eriktileri belsendi túrde qoldap, jeńimpazdarǵa balmuzdaq taratty.
Sonymen qatar TJD mamandary «Qutqarý sheńberi» konkýrsyn ótkizdi. Qolóner baıqaýy óńirde shomylý maýsymynyń bastalýyna oraılastyrylǵan.
«Jalpy sany 30-dan astam jumys qazylar alqasyna usynyldy. Eń erekshe jumystar matadan tigilgen jáne plastıkalyq ydystardan jasalǵan qutqarý sheńberleri boldy. Qutqarýshylar qorytyndy jasaý kezinde baıqaý taqyrybyna sáıkestigin, kreatıvtiligin, qaýipsizdik negizderin bilýin eskerdi. Jeńimpazdar Veronıka Sıonına, Mırat Tóleýbaev jáne Káýsar Mınýtbek boldy», - delingen vedomstvo aqparatynda.
