ShQO qutqarýshylary avtobýsy jolda qalyp qoıǵan hokkeıshilerge kómektesti
ÓSKEMEN. QazAqparat – Shyǵys Qazaqstan oblysynyń qutqarýshylary jas hokkeıshilerdiń úılerine jetýine kómektesti, dep habarlaıdy QazAqparat tilshisi ShQO Tótenshe jaǵdaılar departamentiniń baspasóz qyzmetine silteme jasap.
TJ departamenti málim etkendeı, 23 aqpanda oblysta burqasyn men kóktaıǵaqqa baılanysty eskertý jarııalanǵan. Sonyń saldarynan «Óskemen-Iskıtım-Óskemen» baǵytyndaǵy avtobýs Berezovka aýyly mańynda tik órge shyǵa almaı, qalaǵa 50 shaqyrym jerde qalyp qoıǵan.
«Avtobýsta 25 adam bolǵan, sonyń ishinde 18-i balalar. Qutqarýshylar arnaıy tehnıkanyń kómegimen jolǵa shyǵyp, ózderine avtobýstaǵy barlyq jolaýshyny mingizip, qalaǵa jetkizgen», - dep túsindirdi ShQO TJD baspasóz qyzmetinen.
Departamenttiń málimetinshe, olar Óskemenge jaqyndaǵan tusta avtobýs qýyp jetken. Avtobýstyń órge kóterilýine jol qyzmeti kómektesken. Jas hokkeıshiler komandasy óz avtobýsyna otyryp, ári qaraı saparyn jalǵastyrǵan.
Avtor: Oral Erlanuly
