ShQO qutqarýshylary sý aıdyndarynda 200-den astam reıd júrgizdi
ÓSKEMEN. KAZINFORM — Shyǵys Qazaqstan oblysyndaǵy sý aıdyndarynda halyqtyń qaýipsizdigin qamtamasyz etý úshin profılaktıkalyq reıdter kúsheıtildi.
Óńirde aptap ystyqqa baılanysty sý aıdyndaryndaǵy jazataıym oqıǵalardyń aldyn alý maqsatynda ShQO TJD qutqarýshylary halyq kóp shoǵyrlanatyn demalys oryndaryn baqylap júr.
— Buqtyrma sý qoımasy aýmaǵynda qaýipsizdik talaptarynyń saqtalýyn baqylaý maqsatynda reıd ótkizildi. Reıd barysynda QR ÁQBtK-niń 412-baby boıynsha 3 quqyqbuzýshy ákimshilik jaýapkershilikke tartyldy. Jedel áreket etý úshin qutqarýshylar qýatty qozǵaltqyshtarmen, navıgatsııalyq quraldarmen, baılanys júıelerimen jáne tıisti jabdyqtarmen jaraqtandyrylǵan zamanaýı katerlerdi paıdalanady, — dep habarlady departamenttiń baspasóz qyzmetinen.
Jazǵy jaz bastalǵaly beri TJD qyzmetkerleri 200-den astam reıd júrgizdi. Olardyń basty maqsaty — sýdaǵy jazataıym oqıǵalardyń aldyn alý. Myńdaǵan demalýshy qamtylyp, olarǵa sý aıdyndaryndaǵy qaýipsizdik erejeleri túsindirildi.
Sýdaǵy qaýipsizdik talaptarynyń saqtalmaýy saldarynan shomylý maýsymy bastalǵaly beri oblysta 2 adam sýǵa batty. Qaıǵyly oqıǵalar jabdyqtalmaǵan shomylý oryndarynda bolǵan.
Eske salsaq, osyǵan deıin Alakólde shomylý maýsymy bastalǵaly beri 10 bala joǵalǵany habarlanǵan.
