ShQO qurylys basqarmasyna jańa basshy taǵaıyndaldy
ÓSKEMEN. KAZINFORM – Shyǵys Qazaqstan oblysynyń qurylys, sáýlet jáne qala qurylysy basqarmasynyń basshysy bolyp Rýfat Akramov taǵaıyndaldy.
Rýfat Baǵdatuly 1982 jyly Shyǵys Qazaqstan oblysynyń Ulan aýdany Tavrııa aýylynda týǵan. Tórt joǵary bilimi bar.
Eńbek jolyn 2006 jyly Óskemen qalasy boıynsha memlekettik kirister departamentinde jetekshi maman-zańger retinde bastady.
2010 jyldyń 29 qańtarynda ShQO bilim basqarmasy ishki baqylaý bóliminiń bas mamany bolyp taǵaıyndaldy.
2013-2014 jyldary Óskemen qalasynyń qurylys bóliminde memlekettik satyp alý jáne quqyqtyq qamtamasyz etý sektorynyń meńgerýshisi. 2017-2019 jyldary Óskemen qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy.
2019-2020 jyldary Shyǵys Qazaqstan oblysynyń memlekettik satyp alý jáne kommýnaldyq múlik basqarmasynyń basshysy. 2020-2022 jyldary Shyǵys Qazaqstan oblysynyń memlekettik satyp alý basqarmasynyń basshysy.
2022 jyldyń mamyr aıynda Shyǵys Qazaqstan oblysynyń Tsıfrlandyrý jáne arhıvter basqarmasynyń basshysy laýazymyna taǵaıyndaldy.
2024 jyldyń sáýir aıynan osy ýaqytqa deıin Shyǵys Qazaqstan oblysynyń óńirlik memlekettik-jekemenshik áriptestik ortalyǵy» AQ Basqarma tóraǵasynyń orynbasary laýazymyn atqardy.
Eske salsaq, buǵan deıin Aqtóbe oblystyq dene shynyqtyrý jáne sport basqarmasyna jańa basshy kelgeni habarlanǵan.