ShQO: Krıvınka aýylyndaǵy sý tasqyny qaýpi artta qaldy - TJK
«Ótken táýlikte turǵyn úılerdiń aýlalaryn, respýblıkalyq mańyzy bar avtokólik joldaryn sý basý jaǵdaıy tirkelgen joq. Barlyq jerde sý deńgeıiniń tómendep kele jatqanyn baıqap otyrmyz. Aqmola oblysynyń Atbasar aýdany men qalasynda tańerteńgi saǵat 08:00-de Jabaı ózenindegi sý deńgeıi 2,8 metr boldy. Eń joǵarǵy kórsetkish atalmysh ózende 3,45 metr bolǵan edi. ıAǵnı, bul sý deńgeıiniń turaqty túrde tómendep kele jatqanyn bildiredi. Demek, Atbasardy sý basý qaýpi joq», - dedi QR ІІM Tótenshe jaǵdaılar komıtetiniń basshysy Vladımır Bekker komıtette ótken baspasóz máslıhatynda.
Onyń aıtýynsha, Astrahan aýdanyndaǵy Kolýton ózeninde de sý deńgeıi tómendegeni baıqalady. Ol ózende eń joǵarǵy deńgeı - 4,04 metr dep tirkelgenimen, búgingi kúni sý deńgeıi 3,68 metrge deıin tómendegen.
«Dese de, ol ózende sý deńgeıiniń qaýipti kórsetkishi - 3,46 metr. Demek, áli de normadan 22 santımetr joǵary. Buǵan deıin habarlaǵanymyzdaı, 20 aýlany sý alǵan bolatyn. Qazirgi tańda sý 18 aýlanyń aýmaǵynan jylystady. Keshe aıtqanymdaı, aldaǵy eki kúnde sý deńgeıi qaýipsiz kórsetkishke deıin túsedi degen oıdamyz», - deıdi komıtet basshysy.
Vladımır Bekker sondaı-aq, Shyǵys Qazaqstan oblysy Besqaraǵaı aýdanynyń Krıvınka aýyly mańyndaǵy (Ertis ózeni) muz keptelisi tarqap, muz úıindileriniń aǵyp ketkenin habarlady.
«Shúlbi GES-i kúnine 1299 tekshe metr sý jiberip otyr. ıAǵnı, kúnine jiberiletin sýdyń mólsheri 1500-den 1299 tekshe metrge deıin azaıǵan. Sol sekildi Qosshy aýyly boıynsha da sý deńgeıiniń tómendep kele jatqanyn baıqap otyrmyz», - deıdi Bekker.
Eske sala ketsek, osydan eki kún buryn QR Іshki ister mınıstrligi Tótenshe jaǵdaılar komıteti tóraǵasy Vladımır Bekker sý tasqyny boıynsha Shyǵys Qazaqstandaǵy Ertis jaǵasyndaǵy eldi mekenniń jaǵdaıyn baıandaǵan bolatyn.
«Keshe muz jarý jumystary júrgizildi. Alaıda keshe saǵat 19.30 kezinde Krıvınka aýylynyń mańynda muz keptelisi paıda boldy. Ol muz búgin de aǵyp ketken joq. Munyń artynsha sý deńgeıiniń kóterilgeni baıqaldy. Osylaısha, aýyldy sý alý qaýpi bar. Ol aýyldaǵy 128 úıde 484 adam turady. Keshe ol jerde shtab quryldy. Aýdan ákimi sonda bardy. Ol jaqqa búgin oblystyq TJD-nyń bastyǵy jetti. Aýylda tikushaq pen qajetti tehnıkalar bar. Muz jarý jumystary kúni boıy júrgiziletin bolady. Keptelis joıylady degen oıdamyz», - degen edi Bekker.