ShQO kompanııalary Qarashyǵanaqty ıgerýge atsalysady

ÓSKEMEN. QazAqparat - Óskemenge Batys Qazaqstannan oblys ákimi Altaı Kólginov bastaǵan delegatsııa keldi. «Qarashyǵanaq Petrelıým Opereıtıng» kompanııasynyń bas dırektory Edvın Blom óńirdegi armatýra ónimderi men elektr jabdyqtaryn shyǵaratyn birneshe kásiporynǵa bas suqty, dep habarlaıdy QazAqparat tilshisi.

Áýeli qonaqtar túrli sanattaǵy armatýra shyǵaratyn 3 zaýytta boldy. Óskemen armatýra zaýytynda batysqazaqstandyq delegatsııaǵa robottandyrylǵan dánekerleýshi keshen tanystyryldy. Atalmysh kásiporynnyń munaı óndirisine arnalǵan  jabdyqtary men qubyr júrgizý armatýralary Reseı jáne Ózbekstan elderinde suranysqa ıe. Al «Sılýmın-Shyǵys» seriktestigi Qarashyǵanaq konsortsıýmymen  5 jyldan beri  jumys istep keledi. Munda ınvestor ózderi tutynyp júrgen taýarlardyń qalaı óndiriletinin kórdi.

«Qarashyǵanaq Petrolıým Opereıtıng» óndiris aıasyn keńeıtýdiń ekinshi kezeńin bastaıdy. Osy keshendi jumysqa qazaqstandyq óndirýshilerdi kóptep tartýǵa múddelimiz. Joǵary tehnologııamen óndiriletin sapaly jabdyqtardy syrttan almaı, el ishinde tutyný bizge de tıimdi.  Shyǵys Qazaqstan oblysynyń kompanııalarymen joǵary deńgeıde jumys isteý tájirıbemiz bar. Bul óńirdiń kásiporyndary ár tarapty qamtıtyndyǵymen tartymdy. Búgin bastaý alǵan dıalogtyń jalǵasyn tabatynyna senimdimin. Shyǵys Qazaqstannyń týrızm salasyndaǵy áleýetimen jaqsy tanyspyn. Keleshekte mundaı týrıst retinde kelsek deımiz» - dedi Edvın Blom. 

Qarashyǵanaq jobasyndaǵy jergilikti mazmunnyń úlesi 54,7 paıyzdy quraıdy. Kompanııa basshysynyń aıtýynsha,  bul kórsetkishti Tórtinshi ónerkásiptik revolıýtsııa aıasynda arttyrý kózdelip otyr. Shyǵys Qazaqstan oblysynyń ákimi Danıal Ahmetov delegatsııa nazaryna usynylǵan kásiporyndardyń barlyǵy atalmysh talapqa saı jumys istep jatqanyn atady.   

«Óskemen armatýra zaýyty» sońǵy jyldary 100 mıllıon dollarǵa qaıta jańartý jumystaryn júrgizdi. «Sılýmın-Shyǵys» JShS  barlyq óndiris jelisin avtomattandyrýǵa 60 mıllıonnan astam dollar jumsasa, «Ónerkásiptik armatýra zaýytynda» bul soma eki ese artyq» - dep atap ótti Danıal Ahmetov. 

Delegaıtsıanyń qatysýymen ákimdikte ótken jıynda aımaqtaǵy ónerkásip oshaqtarynyń Qarashyǵanaq ken ornyn ıgerý isine qatysý múmkindikteri talqylandy. Budan bólek, Shyǵys jáne Batys Qazaqstan oblystary arasynda saýda-ekonomıkalyq, ǵylymı-tehnıkalyq, gýmanıtarlyq salalarda seriktestik jasaý týraly memorandýmǵa qol qoıyldy. 

«Shyǵys Qazaqstanǵa Prezıdentimiz Nursultan Ábishuly Nazarbaevtyń aımaqaralyq kooperatsııa týraly tapsyrmasyn júzege asyrý maqsatynda keldik. Basty maqsat - Qarashyǵanaq konsortsıýmynyń  otandyq óndirýshilermen seriktestik kókjıegin keńeıtý. Buǵan deıin elimizdiń 8 oblysynda boldyq. ıAǵnı, Qazaqstandaǵy barlyq ónerkásiptik kásiporyndardyń múmkindikterin saralaımyz. Shyǵys Qazaqstan - elimizdegi eń úlken ındýstrıaldy aımaq. Osyndaı saparlardyń arqasynda bizdiń ınvestor buryn shetelden satyp alyp kelgen joǵary tehnologııalyq jabdyqtardyń Qazaqstanda da baryna kóz jetkizýde» - dedi Altaı Kólginov. 

Kezdesý barysynda ShQO ákimdigi men «Qarashyǵanaq Petrolıým Opereıtıng» kásiporny jergilikti mazmundy damytý boıynsha ózara seriktestik týraly memorandýmǵa mór basty. Al «Sılýmın-Shyǵys» JShS-men jıilikti-rettegish jetekterge tehnıkalyq qyzmet kórsetý boıynsha uzaq merzimdi kelisimshartqa qol qoıyldy.  Batysqazaqstandyq konsortsıýmnyń basshylary «Kemont» zaýytynyń elektr qondyrǵylaryna da qyzyǵýshylyq tanytty. Kez kelgen óndiris oshaǵynyń elektrmen qamtý júıesin bir ǵana modýl-keshende basqarý jobasyna Edvın Blom oń baǵa berdi.

Meımandar Óskemen qalasyn abattandyrý jobalarymen de tanysyp, «Nurly jol» jáne «Jeńis» saıabaqtaryn aralady.