ShQO kolonııalardaǵy jazasyn óteýshiler bıznes ashýdy úırenýde
ÓSKEMEN. QazAqparat - Shyǵys Qazaqstan oblysynyń túzetý mekemelerinde sottalýshylar bıznes júrgizýdi úırenýde. «QazAqparat» HAA
tilshisine habarlaǵandaı, trenıngterdi oblystyq prokýratýra men Kásipkerler palatasy birlesip uıymdastyrýda. Kásipkerlik boıynsha alǵashqy dárister Jarma aýdanynda ornalasqan OV 156/17 túzetý mekemesinde ótkizildi.
Kolonııada óz isińdi qalaı ashý kerek, neden bastaý kerek degen sııaqty suraqtarǵa bıznes-trener Talǵat Qasenov jaýap berdi.
Kýrsqa qatysýshylar túrli taýarlardyń baǵasyna qyzyǵýshylyq tanytyp, ınternet arqyly qajetti aqparattar aldy. 
Túzetý mekemelerinde bıznesti júrgizý trenıngteri QR Bas prokýratýrasynyń «Kolonııalardaǵy bıznes - 2017» jobasy aıasynda ótkizilip jatyr.
«Osyndaı sıpattaǵy dárister aı saıyn ShQO-nyń barlyq kolonııalarynda júrgiziledi», dep atap ótti oblystyq prokýratýranyń baspasóz qyzmetindegiler.
