ShQO kitaphanasynda Balalar jyly aıasynda erekshe kitaptyń tusaýy kesildi
Bıylǵy Balalar jyly aıasynda Óskemen qalasynda ornalasqan A.S.Pýshkın atyndaǵy Shyǵys Qazaqstan oblystyq kitaphanada jazýshy Oralbek Býljanovtyń «Balabaqshada» atty kitabynyń tusaýkeseri ótti.
Kitap avtory Oralbek Rábiluly aqyn, aýdarmashy, sazger, ánshi, termeshi. Bıylǵy Balalar jyly aıasynda shyǵyp otyrǵan bul kitap onyń 10-15 jylǵy eńbeginiń jemisi.
«2006 jyly balabaqshaǵa mýzyka jetekshisi bolyp ornalastym. Sol kezde tárbıeshi men muǵalimderge ashyq sabaq, erteńgilikter júrgizgende qajetti málimetter, ár túrli taqyrypqa arnalǵan óleńder tabý qıynǵa soqty. Internet jelisindegi baılanys álsiz boldy. Sol kezderdegi qajettilikten osy kitapta jınaqtalǵan óleńderim dúnıege kelgen», - deıdi avtor.
Kitap «Balabaqsha gımni» án-óleńimen bastalyp balabaqshada ótetin árbir merekege arnalady.
Sonymen qatar balalarǵa arnalǵan shaǵyn áńgimeler, aýdarma óleńder, ártúrli taqyryptardy qamtıtyn taqpaqtar men qyzyqty jumbaqtarǵa toly.
«2014 jyly Oralbek Býljanovtyń «Shákirt júregine jol tapqan ustaz» týyndysy QR Bilim berý júıesiniń úzdik qyzmetkerleri jınaǵyna engizilip, 2018 jyly «Ónerge qosqan úlesi úshin» medalimen marapattalǵan. Onyń Balalar jylyna oraı shyqqan jańa kitaby mektep jasyna deıingi búldirshinderge jáne bastaýysh synyp oqýshylaryna arnalǵan naǵyz bazarlyq bolyp otyr. Avtordyń bul kitabynda engen balalardyń tilin, oılaý qabiletin damytatyn týyndylaryn balalaryńyz ben nemerelerińizge oqyp berýge asyǵyńyzdar», - deıdi A.S.Pýshkın atyndaǵy Shyǵys Qazaqstan oblystyq kitaphana qyzmetkerleri.
