ShQO qylmystyq ister jónindegi sot alqasynyń tóraǵasy ustaldy - UQK
ÓSKEMEN. KAZINFORM – Shyǵys Qazaqstan oblysynyń qylmystyq ister jónindegi sot alqasynyń tóraǵasy Ábil Bakınniń ustalǵanyn UQK rastady.
Áleýmettik jelide QR Ulttyq qaýipsizdik komıtetiniń qyzmetkerleri Shyǵys Qazaqstan oblysynyń qylmystyq ister jónindegi sot alqasynyń tóraǵasy Ábil Bakındi ustaǵany jaıly aqparat tarady.
Soǵan oraı Kazinform tilshisi Ulttyq qaýipsizdik komıtetine saýalhat joldap, bul aqparattyń qanshalyqty rastyǵyn surap kórdi.
- Sotqa deıingi tergep-tekserý júrip jatqanyn habarlaımyz. Ózge aqparat Qylmystyq-protsestik kodekstiń 201-baby 1-tarmaǵyna sáıkes jarııa etýge jatpaıdy, - dep jaýap berdi QR UQK bólimshe bastyǵy O.Bektenov.
Eske salsaq, osyǵan deıin Atyraý ákiminiń orynbasary ustalǵany týraly aqparatty advokat joqqa shyǵarǵany habarlanǵan.
Sondaı-aq Aqtóbe qalasy ákimi apparatynyń burynǵy basshysy bas bostandyǵynan aıyrylǵan bolatyn.
