ShQO kásiporyndarynda bıyl 9 adam qaza boldy
ÓSKEMEN. KAZINFORM — Shyǵys Qazaqstan oblysynyń kásiporyndarynda jyl basynan beri 74 jazataıym oqıǵa tirkelip, sonyń saldarynan toǵyz adam kóz jumdy.
Óndiristegi jazataıym oqıǵalardyń negizgi sebepteri — eńbek úderisin uıymdastyrýdaǵy olqylyqtar men qaýipsizdiktiń qarapaıym talaptaryn saqtamaý.
— Toǵyz aıda oblys kásiporyndarynda 74 jazataıym oqıǵa tirkelip, sonyń saldarynan 94 adam zardap shekti. Olardyń toǵyzy qaza boldy, al 46-sy aýyr jaraqat aldy. Oqıǵalardyń negizgi sebepteri — jumysty uıymdastyrýdaǵy kemshilikter men eńbekti qorǵaý talaptarynyń buzylýy, — dedi QR Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıtetiniń ShQO boıynsha departamentiniń basshysy Baqytbek Qızatov.
Óz sózinde ol kásiporyndar basshylyǵyn qaýipsizdik talaptaryn qatań saqtaýǵa shaqyrdy.
Eske salsaq, osyǵan deıin Petropavlda makaron óndiretin kásiporynda jumysshy mert bolǵany habarlanǵan.
