ShQO kásiporyndary jumysshylarǵa 300 mln teńgeden astam jalaqy qaryzyn tólemeı otyr
ShQO memlekettik eńbek ınspektsııasy basqarmasynyń málimetine súıensek, kásiporyndardyń eńbekaqy bereshegin óteý máselesi arnaıy qurylǵan komıssııanyń baqylaýynda.
«Ótken jyly 17 oblystyq, 135 qalalyq jáne aýdandyq komıssııalardyń 17 otyrysy ótken. Prokýratýramen birlese atqarylǵan sharalardyń nátıjesinde jalaqy boıynsha bereshek óteldi. Naqty aıtqanda, qyzmetkerlerge 1,9 mıllıard teńgeden astam jalaqy tólengen», - deıdi basqarma basshysy Baqytbek Qızatov.
Onyń aıtýynsha, bul jumys bıyl da jalǵasyp jatyr.
Jyl basynan beri basqarma mamandary 327 ótinishti qarap, 84 tekserý júrgizdi.
Osylaısha, 45 nusqama berilip, jumys berýshiler 12 mln teńge mólsherinde ákimshilik jaýapkershilikke tartyldy.
Jalpy búgingi tańda óńir kásiporyndarynyń jumysshylarǵa qaryzy 300 mln teńgeden asyp otyr.
