ShQO: ІІM basshysynyń orynbasary ıen qalǵan úılerdiń kúzetilýin tapsyrdy
ÓSKEMEN. QazAqparat - Shyǵys Qazaqstanǵa Іshki ister mınıstriniń orynbasary ıÝrıı Ilın jedel saparmen keldi, dep habarlaıdy QazAqparat tilshisi.
Oblystyń 3 qalasy men 11 aýdany tasqynnan zardap shegýde. Buǵan deıin 3 birdeı aýdanda tótenshe jaǵdaı jarııalanǵan bolatyn. Negizgi kúsh Glýbokoe jáne Shemonaıha aýdandaryna baǵyttalyp otyr. Zyrıan jáne Qatonqaraǵaı aýdandary da nazarda.
Mınıstrlik ókili apattan zardap shekken halyqqa psıhologııalyq kómekti durys uıymdastyrý kerektigin eskertti. Búginde psıhologtar úıinen kóshirilgen turǵyndarǵa ǵana kórsetilip otyr. ıÝrıı Ilın úılerinde qalǵan turǵyndarǵa da psıhologııalyq qoldaý aýadaı qajet ekenin aıtty. Ol úshin sý alǵan aýyldardyń ár úıin aralap, halyqty sabyrǵa shaqyrý qajet.
Naýryzdyń basynan beri Shyǵys Qazaqstan boıynsha 1600-den astam adam tasqyn saldarynan úılerin tastap shyqqan. Búginde sonyń 500-i úılerine oraldy.
105 adam ýaqytsha baspanada kúneltip jatsa, 900 adam týysqandarynyń úıin panalaýda. 
Oblysta tasqynmen birge kóshkin qaýpi de saqtalýda. Búginge deıin eń qaýipti degen joldardyń boıynda 17 jasandy kóshkin túsirilgen. Aldaǵy birneshe kúnde bul jumystar taǵy jalǵaspaq.
«Mınıstrdiń orynbasary tasqyn saldarynan ıen qalǵan úılerdiń qaýipsizdigine de basa kóńil bólý kerektigin atady. Bul mindet jergilikti polıtsııa qyzmetine júkteldi. Atalmysh organ ókilderi apat oryndarynda qoǵamdyq tártipti qadaǵalap, urlyq faktileriniń bolmaýyn qamtamasyz etetin bolady» - dedi tótenshe jaǵdaılar departamentiniń baspasóz qyzmetinen.
Ekikúndik sapar barysynda ıÝrıı Ilın tasqynnan zardap shekken eldi mekenderdi aralap, jaǵdaımen tanyspaq.
