ShQO halqyn jylytý maýsymyna daıyndaý qalaı júrip jatyr

ÓSKEMEN. QazAqparat – Shyǵys Qazaqstan oblysynda aldaǵy kúz ben qys aılarynda turǵyndarǵa 447,5 myń tonna kómir qajet, dep habarlaıdy QazAqparat tilshisi.

ShQO Energetıka jáne turǵyn úı-kommýnaldyq sharýashylyq basqarmasynyń málimetine súıensek, aldaǵy kúz ben qys aılarynda óńir boıynsha kómirdiń jalpy qajettiligi 3 097 myń tonnany quraıdy. Onyń ishinde halyq úshin – 447,5 myń tonna, bıýdjettik uıymdar úshin – 40,9 myń tonna.

«Halyqqa kómirdi aldyn ala satyp alýǵa keńes beremiz. Aýdan ákimdikteriniń aqparaty boıynsha búginde turǵyndar úshin 134,5 myń tonna kómir daıyndaldy. Oblystyq basqarmalardyń derekterine sáıkes bıýdjettik uıymdarǵa 26,2 myń tonna otyn jetkizildi», - delingen aqparatta.

Sondaı-aq oblys tuıyqtarynda 6,2 myń tonna kómir bar. Onyń ishinde Óskemen qalasynda – 3,4 myń tonna, Rıdder qalasynda – 25 tonna, Altaı aýdanynda – 1,5 myń tonna, Glýbokoe aýdanynda – 450 tonna, Shemonaıha aýdanynda – 800 tonna.

«Bekitilgen josparǵa sáıkes oblysqa tamyz aıynda taǵy 82,5 myń tonna kómir, qyrkúıekte 83 myń tonna, qazanda 61,6 myń tonna kómir jetkiziledi», - delingen habarlamada.