ShQO halqy Túrkııa men Sırııadaǵy zardap shekkenderge 10 tonnadan astam gýmanıtarlyq kómek jınady
Oblys volonterleri, «Birge jaqsylyq jasaımyz» qoǵamdyq qory men Dostyq úıleriniń ujymy 8 aqpannan beri Túrkııa men Sırııadaǵy jer silkinisinen zardap shekkenderge gýmanıtarlyq kómek jınastyryp jatyr. Bir aptanyń ishinde olar jáne óńir halqy jınaǵan kómek 10 tonnadan asqan. Qolushyn sozǵysy kelgender arasynda qarttar da jastar da bar.
«Túrkııa men Sırııada bolǵan oqıǵalardy estigen soń shette qalmaı, qoldan kelgenshe kómek kórsetýdi jón dep sheshtim. Ondaı apattar endi bolmasyn dep tileımiz. Búgin jınalǵan gýmanıtarlyq júkti jóneltýge daıyndalyp jatyrmyz», - deıdi Beksultan esimdi eriktilerdiń biri.
Jiberiletin kómektiń ishinde makaron ónimderi, kórpeler, termostar, jaıalyqtar, jeke gıgıena quraldary, eresekter men balalarǵa arnalǵan jańa qystyq kıimder, kúrtkeler, etikter, jempirler, shalbarlar, qolǵaptar, shulyqtar jáne taǵy basqa zattar bar.
«Jerlesterimiz kún saıyn bizge birinshi qajettilik zattaryn ákelip ótkizip jatyr. Olardyń barlyǵyn Astanadaǵy Sırııa men Túrkııa konsýldyqtaryna jóneltemiz», - deıdi Shyǵys Qazaqstan oblystyq volonterler front-keńsesiniń basshysy Danııar Júnisov
Foto: ShQO Aqparat ortalyǵy
