ShQO halqy jyl basynan beri 2 myńnan astam adamǵa azaıǵan
ASTANA. KAZINFORM – 2026 jyldyń basynan beri Shyǵys Qazaqstan oblysynyń halqy 2 myńnan astam adamǵa azaıdy, dep habarlaıdy Kazinform tilshisi.
Óńirlik Ulttyq statıstıka bıýrosy departamentiniń málimetinshe, 1 maýsymdaǵy jaǵdaı boıynsha oblysta 717 myń adam turady.
– Jyl basynan beri oblys halqynyń sany 2 016 adamǵa kemidi. 1 maýsymdaǵy esep boıynsha óńirde 717 myń turǵyn tirkelgen, – dedi ShQO boıynsha Ulttyq statıstıka bıýrosy departamentiniń basshysy Ernaz Nurlanov.
Oblys turǵyndarynyń basym bóligi qalalarda turady. Qala halqynyń sany 485,9 myń adamdy nemese óńir turǵyndarynyń shamamen úshten ekisin quraıdy. Aýyldyq jerlerde 231,1 myń adam turady.
Statıstıkaǵa sáıkes, óńirde burynǵydaı áıelder sany erlerden kóp. Áıelder – 373,1 myń adam nemese halyqtyń 52 paıyzy, al erler – 343,9 myń adam nemese 48 paıyzy.
Alǵashqy bes aıdyń qorytyndysy boıynsha aýyl halqynyń úlesi azdap qysqarǵan, al qala turǵyndarynyń sany is júzinde ózgerissiz qalǵan.
Buǵan deıin Qazaqstan halqy tórt aıda 63 myń adamǵa artqany habarlanǵan edi.
Sondaı-aq byltyr Qazaqstandaǵy halyq sany 195 480 adamǵa óskenin jazdyq.
