ShQO halqy tasqynnan zardap shekken óńirlerge 15 tonnadan astam gýmanıtarlyq kómek jınady
ÓSKEMEN. KAZINFORM – Shyǵys Qazaqstan oblysynyń turǵyndary sý tasqynynan zardap shekken óńirlerge 15 tonnadan astam gýmanıtarlyq kómek jınady.
Sý tasqynynan zardap shekken óńirlerine kómek kórsetý maqsatynda ShQO Dostyq úıi men oblystyq volonterler front-ofısiniń shtaby qurylǵan.
«Tasqynnyń zardabyn tartqan aımaqtar úshin qol ushyn sozýǵa qoǵamdyq uıymdar, etno-mádenı birlestikter, kásipkerler, joǵary oqý oryndary jáne eldegi jaǵdaıǵa beı-jaı qaramaıtyn turǵyndar belsene qatysty. Sonyń arqasynda, qazirgi ýaqytta 15 tonnadan astam azyq-túlik pen turmystyq taýarlar jınaldy», - dedi shtab basshysy Ravıl ıÝnýsov.
Kómek berýshilerdiń qarasy kún sanap kóbeıýde. Atap aıtqanda, búgin Kúrshim aýdanynan kómek kelip, oblystyq meshittiń qaýymy da úlken úles qosty. «Normal Nomad» JShS 5 tonna un bólip, zardap shegýshilerge járdem berdi.
Gýmanıtarlyq kómek Óskemen qalasynyń Gorkıı kóshesi, 48 jáne Nazarbaev dańǵyly, 68 meken-jaılarynda qabyldanady. 10 sáýirde gýmanıtarlyq kómektiń birinshi bóligi jiberiledi.
