ShQO: Glýbokoe aýdanynda úısiz qalǵandarǵa 60 mln teńge bólindi
ÓSKEMEN. QazAqparat - Búgin Shyǵys Qazaqstan oblysynyń ákimi Danıal Ahmetov Glýbokoe aýdanyndaǵy Progress aýylynda tasqynnan zardap shekken turǵyndarmen kezdesti. Tasqynnan baspanasy jaramsyz bolǵan turǵyndarǵa úı satyp alý úshin 60 mln teńge bólinetin boldy, dep habarlaıdy QazAqparat tilshisi.
Kezdesý barysynda Danıal Ahmetov eldiń talap-tilekterin tyńdap, apattyń zardabyn joıý boıynsha atqarylatyn jumystarmen tanysty. Aýdanda áli de bolsa tabıǵı sıpattaǵy tótenshe jaǵdaı saqtalýda.
Sońǵy derek boıynsha Progress, Beloýsovka, Predgornoe jáne Glýbokoe kentindegi 176 úıge arnasynan asqan ózen sýy kirip ketken.
«Zardap shekken azamattar úshin mektepterde ýaqytsha turatyn oryn uıymdastyryldy. Eki kúnniń ishinde jaǵdaıdy baǵalap, jumys isteımiz. Kimde-kimniń úıi qırap, múldem iske jaramsyz bolsa, úı satyp alyp beremiz. Ol úshin aýdanǵa 60 mıllıon teńge bólindi. Barlyq shyǵyndaryńyz eseptelip, orny óteledi. Biraq, jaǵdaıdy paıdalanyp, úılerin óz qolymen qıratý degen bolmasyn, - dedi Danıal Ahmetov.
Aıta ketý kerek, turǵyndardyń kıim-keshek, azyq-túlik sııaqty turmystyq qajettilikteri úshin keshe 10 mln teńge joldanǵan bolatyn.
