ShQO: Glýbokoe aýdanynda sý tasqynyna qarsy is-sharalar júrgizildi
ÓSKEMEN. QazAqparat - Qutqarýshylar Shyǵys Qazaqstan oblysynyń Glýbokoe men Progress aýyldarynyń basty kóshelerinde erigen qar sýyn ustap qaldy, dep habarlaıdy QazAqparat tótenshe jaǵdaılar komıtetine silteme jasap.
Jergilikti qutqarýshylar aýdandyq ákimdikpen birlesip tasqyn sýdyń aldyn alý, sondaı-aq úılerdi sý tasqynynan qorǵaý boıynsha is-sharalar júrgizdi. Avtojol boıyndaǵy aryqtar daladan kelgen erigen qar sýynyń arynyna tótep bere almaı qaldy. Qutqarýshylar jáne ákimdiktiń kúshimen tasjolǵa ınertti materıal tóseldi, sondaı-aq keı ýchaskelerde sý soryp alyndy.
Qazirgi tańda Glýbokoe jáne Progress aýyldaryndaǵy joldarǵa shamamen 2000 qap tóseldi. Jumystarǵa «Órt sóndirý jáne avarııalyq-qutqarý jumystary qyzmeti» jeke quramynan 12 adam, sondaı-aq jergilikti atqarýshy organnan 50 adam jumyldyryldy.
Qazirgi tańda turǵyn úılerge qaýip joq. Táýlik boıy baqylaý jasalýda.
