ShQO Glýbokoe aýdanyndaǵy «Semena maslıchnyh» sharýashylyǵy eginge oraq saldy
ÓSKEMEN. KAZINFORM – Shyǵys Qazaqstan oblysy Glýbokoe aýdany Tarhanka aýylyndaǵy «Semena maslıchnyh» sharýashylyǵy eginge oraq saldy.
Óńir ákimdigi usynǵan málimetke súıensek, Glýbokoe aýdanyndaǵy «Semena maslıchnyh» elıtalyq tuqym sharýashylyǵy eginge oraq saldy.
1997 jyldan beri dıqanshylyqpen aınalysyp kele jatqan bul sharýashylyq qazirgi kúni tórt myń gektar alqapty ıgerip, maıly jáne dándi daqyldardyń eń tıimdi degen elıtalyq suryptaryn ósirip jatyr. Sharýashylyq búgingi kúnge deıin dándi daqyldyń 30 paıyzyn oryp aldy. Astyq túsimi mol, gektarynan 30-50 tsentnerden aınalýda.
«Semena maslıchnyh» JShS dándi jáne maıly daqyldardy selektsııalaýmen, aýdandastyrýmen, olardyń jańa túrlerin shyǵaryp, óndiriske engizýmen aınalysyp keledi. Osy sharýashylyqta ósirilip, taratylyp jatqan suryptalǵan bıdaıdyń, maıly daqyldardyń elıtalyq túri Shyǵys Qazaqstan oblysynda, jalpy elimizde úlken suranysqa ıe.
«Tuqym sharýashylyǵynda óndiristik qana emes, elıtalyq tuqymdardy aýdandastyrýmen, selektsııalaýmen aınalysyp otyrǵan ǵylymı bólim bar. Sońǵy jyldary munda Qazaqstannyń selektsııalyq jetistikteri reestirine engizilgen kúnbaǵystyń elıtalyq «Altyn», «Shyǵys», «Vostochnyı» syndy kúnbaǵystyń jańa gıbrıdteri men «Sıbınskıı» sorttary ósirilýde. «Gúlim» sorty memlekettik synaqtan ótkizilip jatyr», - dep habarlady ShQO ákimdiginen.
Qazirgi kúni Qazaqstandaǵy 300 den astam aýyl sharýashylyǵy ónimin óndirýshiler Tarhankadaǵy osy elıtalyq tuqym sharýashylyǵynyń joǵary sortty tuqymdaryn paıdalanyp otyr.
«Kóktemde ylǵal óte joǵary boldy. Sonyń arqasynda eginimiz bıyl bitik shyqty. Ótken joly jaýyp ótken qatty jańbyr eginniń biraz alqabyn japyryp, qulatyp ketti. Endi sol alqaptardy jaýynnyń astynda qaldyrmaı tezirek jınap alýymyz kerek. Tehnıkamyz jetkilikti. Byltyr ǵana lızıngke eki úlken kombaın satyp aldyq. Sharýashylyqta 50 adam jumys isteıdi. Ótken jyly ala jazdaı qýańshylyq bolyp, kúzde tolassyz jańbyr jaýyp astyqty jınap alýǵa kóp kedergi keltirgen bolatyn. Bıyl da aýa raıynyń da qas- qabaǵyna qarap, typyrshyp otyrmyz», - deıdi sharýanyń jaıymen tanystyrǵan «Semena maslıchnyh» JShS basshysynyń biri ǵalym-agronom Lıýdmıla Tsybenko.
