ShQO-daǵy shahta jumysshylarynyń qazasy: polıtsııa qylmystyq is qozǵady
ÓSKEMEN. KAZINFORM – ShQO polıtsııa departamenti shahtada tórt jumysshynyń qaza bolý faktisi boıynsha qylmystyq is qozǵady.
Buǵan deıin habarlaǵanymyzdaı, jazataıym oqıǵa 31 tamyzda saǵat 17.30 shamasynda KAZ Minerals kompanııasyna qarasty «Ertis» shahtasynda bolǵan. Taǵy bir jumysshy zardap shegip, medıtsınalyq mekemege jatqyzyldy.
«Atalǵan fakti boıynsha QR Qylmystyq kodeksiniń 277-baby 3-bóligi boıynsha qylmystyq is qozǵaldy («taý-ken nemese qurylys jumystaryn júrgizý kezinde qaýipsizdik erejelerin buzý»)», - delingen PD habarlamasynda.
PD habarlaýynsha, atalǵan fakti boıynsha tergeý júrgizilip jatyr, oqıǵanyń barlyq jaǵdaılary anyqtalyp jatyr.
«Shyǵys Qazaqstan oblysynyń polıtsııa departamenti qaza tapqandar men zardap shekkenderdiń otbasylary men jaqyndaryna kóńil aıtady», – delingen habarlamada.
