ShQO ǵalymdary tasqyn qaýpin dron arqyly baqylaýdy usyndy
ÓSKEMEN. QazAqparat - Shyǵysqazaqstandyq ǵalymdar tasqyn qaýpi bar ózen arnalaryn dron arqyly baqylaýdy usynyp otyr, dep habarlaıdy QazAqparat tilshisi.
Shyǵysta kóktem saıyn arnasynan asyp, úıler men joldarǵa jaıylatyn birneshe ózen bar. Úlbi, Úbe, Buqtyrma, Kúrshim, Qaljyr, Aıagóz, Bazar, Ulan, Ablaket, Qyzylsý, Shaǵan ózenderi men Ertistiń birneshe alaby tasqynǵa beıim sý arnalary retinde tirkelgen. Ǵalymdar osy ózenderdiń jaǵdaıyn dron arqyly qadaǵalap otyrýdy usynady. Olar dron ákelgen málimetter arqyly monıtornıg júrgizip, qaı ózende sý qory qansha ekenin, onyń qaı kezeńde arnasynan asatynyn naqty boljamaq.
«Qolymyzda ushqyshsyz aparattar men jedel meteostansa bar. Ǵaryshtan mýltspektraldy túsirilimderdi alýǵa da múmkindik jetedi. Ol túsirilimder jerdiń tońy men qar qalyńdyǵyn 90-30 metrge deıin naqty aıqyndaı alady. Joba 2019-2021 jyldarǵa arnalǵan. Sol ýaqyttyń ishinde biz ShQO jer bederiniń úlkeıtilgen masshtabtaǵy tsıfrlyq kartasyn jasap shyǵarýymyz kerek. Sý qoımalarynyń jaǵdaıyn da ǵalymdar baqylaýǵa almaq»- deıdi joba jetekshileriniń biri Oleg Gavrılenko.
Atalmysh joba Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń bazasynda júzege asady. Ázirge oǵan oblys ákimdigi men tótenshe jaǵdaılar departamenti, «Qazgıdromet» mekemesi men Óskemendegi sý elektr stansasynyń basshylyǵy qyzyǵýshylyq tanytyp otyr.
