ShQO-ǵa jylytý maýsymyna 3 mln tonnadan astam kómir qajet

Qazir qatty otyn jylý kózderine, turǵyndar men bıýdjettik uıymdarǵa jetkizilip jatyr. Bul týraly ShQO energetıka jáne TÚKSh basqarmasynan málim etti.

Óńirde azamattarǵa kómir jetkizýmen 18 operator aınalysady. Búginde kómir tuıyqtaryndaǵy qor 13 myń tonnadan asady. Qor birtindep tolyqtyrylyp jatyr.

— Jylytý maýsymy jaqyndaǵan saıyn kómirge suranys artyp, uzyn-sonar kezek qalyptasýy múmkin. Osyǵan baılanysty turǵyndardy qajetti otyndy kún sýymaı turyp satyp alýǵa shaqyramyz. Bul jylytý maýsymyn alańsyz bastaýǵa múmkindik beredi, — dedi basqarma basshysynyń orynbasary Samat Daırov.

Eske salaıyq, osyǵan deıin Qyzylordada qysqa qajetti kómirdiń 15%-y daıyn ekenin jazǵanbyz.