ShQO-ǵa Jańa jyldy qarsy alýǵa kelgen elorda turǵyny adam ómirin qutqardy
ÓSKEMEN. QazAqparat – Shyǵys Qazaqstan oblysyna Jańa jyldy qarsy alýǵa kelgen Nur-Sultan qalasynyń turǵyny adam janyn ajaldan arashalap qaldy, dep habarlaıdy QazAqparat.
ShQO polıtsııa departamenti baspasóz qyzmetiniń málimetine súıensek, oqıǵa 31 jeltoqsanda Ulan aýdany Donskoe aýylynyń mańyndaǵy respýblıkalyq tasjolda bolǵan.
Kólik júrgizýshisiniń derti qozyp, basymen rýldi urǵylaı bastaıdy. Muny baıqap qalǵan elordalyq Baqytjan áýelde ony mas dep oılady.
Alaıda birneshe sekýndtan keıin er adamnyń aýrýy bar ekenin túsingen. Birden sol jerge jedel járdem shaqyrtqan azamat onyń qasyna jetip baryp sózge aınaldyrýmen boldy.
Kóp uzamaı dárigerler de kelgen.
«Baqytjannan basqa eshkim kómektesýge nıet bildirgen joq. Ol birden toqtap, jedel járdem shaqyryp, sońyna deıin tosty. Bul - naǵyz erlik!», - dep jazdy júrgizýshiniń týǵan-týystary áleýmettik jelide.
ShQO polıtsııa departamentiniń bastyǵy Saǵat Mádıev Baqytjan Ábdirahmanovtyń batyldyqqa para-par kómegi úshin oǵan Alǵys hat pen baǵaly syılyq tabystady.
«Meniń ornymda bolsa kez kelgen adam sóıter edi. Bul erlik emes. Qıyndyqqa tap bolǵan adamdy kórgen kezde eshkim de beıjaı qaramaýy kerek dep esepteımin», - deıdi Baqytjan
Anyqtalǵandaı, er adam Nur-Sultan qalasynda turady.
Shyǵys Qazaqstan oblysyna Jańa jyldy qarsy alý úshin kelgen.
