ShQO-ǵa Ózbekstannan jetkiziletin jemis-jıdektiń baǵasy arzan bolady
ÓSKEMEN. QazAqparat - Shyǵys Qazaqstan oblysynń basshysy Danıal Ahmetov pen Ózbekstan Respýblıkasynyń Qazaqstandaǵy Tótenshe jáne ókiletti elshisi Ikrom Nazarov ózara seriktestik máselelerin talqylady, dep habarlaıdy «QazAqparat» HAA tilshisi.
Shyǵys Qazaqstan jáne Ózbekstan Respýblıkasy arasynda aýylsharýashylyǵy jáne mashına jasaý baǵyttarynda aımaqaralyq seriktestiktiń Jol kartasy jasalǵan.
«Bizdi sizderde qurastyrylatyn «John Deere» jáne «New Holland» fırmalarynyń jańa úlgidegi traktory men kombaındary qyzyqtyrady. Olardyń sapasy joǵary, yńǵaıly, ári baǵasy da qoljetimdi. Sonymen qatar, sizderdegi japondyq kompanııamen birlesip shyǵaratyn avtobýstaryńyz ben jedel járdem mashınalaryńyzdyń da sapasy joǵary. Bulardyń barlyǵy «SemAz» kásipornynyń bazasynda jasalady», - dedi Danıal Ahmetov.
«Biz Jol kartasy boıynsha jumys isteýge ázirmiz. Aýyl sharýashylyǵy tehnıkalary óndirisiniń múmkindikterin ıgerý úshin aldaǵy ýaqytta Horezmnen keletin ókilderdi kútip otyrmyz».
Taraptar Ózbekstannan jemis-jıdekter men kókenisterdiń jetkizilý máselesin de talqylady. Ikrom Nazarovtyń málimdeýinshe, byltyrǵy jyly elde 18 mln tonna ónim alynǵan. 2020 jylǵa qaraı bul kórsetkishti 25 mln tonnaǵa arttyrý josparlanyp otyr. Ózbekstandaǵy ósimdik sharýashylyǵymen aınalysýshylardyń óz ónimderin jetkizgisi keletin aımaqtardyń biri - Shyǵys Qazaqstan. Osy kezde ShQO-da qajetti jemis-jıdek ónimderiniń tizimi men kólemi anyqtalyp ta qoıǵan.
«Biz jemis-jıdek ónimderin ortalyqtandyryp ákelýge daıynbyz, sonda baǵasy da arzanǵa túsedi», - deıdi Ikrom Nazarov.
Ózbekstan Respýblıkasynyń Qazaqstandaǵy Tótenshe jáne ókiletti elshisi Ikrom Nazarov Shyǵys Qazaqstanǵa sapary barysynda «AZIıA AVTO», «ÝMZ» kásiporyndarynda bolyp, óńirlik kásipkerler palatasynyń ókilderimen kezdesti. Búgin ol birikken kásiporyndar qurý múmkindikterimen tanysý maqsatynda «SemAz» JShS-ine barýdy josparlap otyr.
