ShQO-ǵa kelgen qutqarýshylar toby sý tasqynynyń aldyn alý sharalaryn júrgizýde
Esterińizge sala ketsek, osyǵan deıin óńirdegi sý basý qaýpi tóngen aımaqtarǵa arnaıy tehnıkalar men áskerıler jetkizilgenin habarlaǵan bolatynbyz.
ShQO Tótenshe jaǵdaılar departamenti baspasóz qyzmetiniń málimetine súıensek, Qaraǵandy oblystyq №52859 áskerı bóliminiń qyzmetkerleri qazirgi ýaqytta Kókpekti aýdany Samar aýylynda jáne Altaı aýdanynyń sý basý qaýpi tóngen eki aımaǵynda tasqynǵa qarsy sharalardy qolǵa alǵan.
Quramynda 50 adamy bar jeke quram jergilikti atqarýshy organdarǵa jáne aýyl jurtshylyǵyna qardy shyǵarý jáne aryqtardy, sý ótkizý nysandaryn tazalaý boıynsha jumystarǵa belsendi kómek kórsetýde. Atalǵan aýdandarda barlyǵy 10 106 metr sý ótkizgish pen 3904 metr sý burý arnalary tazalandy. Sondaı-aq 11 úı mańyndaǵy aýmaqtardan qar shyǵarylyp, 1320 qap ınertti materıal tóseldi.
Budan bólek, uzyndyǵy 45 metr muz kesý jumystary júrgizilgen. Muzdyń qalyńdyǵy 1,5 metrdi quraıdy. Sý tasqyny týyndaǵan jaǵdaıda halyqqa is-qımyl tártibi túsindirildi.
