ShQO-ǵa kelgen qutqarýshylar toby sý tasqynyna qarsy jumysqa kiristi
ÓSKEMEN. QazAqparat - Shyǵys Qazaqstan oblysyna kelip jetken kúshter toby sý tasqynyna qarsy sharalardy bastap ketti, dep habarlaıdy QazAqparat oblystyq TJD baspasóz qyzmetine silteme jasap.
QR Tótenshe jaǵdaılar mınıstriniń buıryǵymen óńirge 52859 áskerı bóliminiń 8 tehnıkasy, Qaraǵandy oblysynan 4 qaıyǵy men 10 kóshpeli motopompa, jeke quramnyń 50 adamynan turatyn top kelgen bolatyn.
«Olar qazir Altaı aýdany men Kókpekti aýdanynyń Samar aýylyna ornalasty. Búgin jeke quram sý tasqyny qaýipti aımaqta turǵan Samar aýylynan 70 shaqyrymda ornalasqan ýchaskedegi sý ótkizý qubyrlaryn tazalaýǵa kiristi. Bul ýaqytta Altaı qalasynda áskerıler sý-jınaqtaýysh toǵannyń, sonymen qatar sý burý arnalarynyń deńgeıine monıtorıng jasaýda», delingen habarlamada.
Eske salar bolsaq «Qazgıdromettiń» óńirlik fılıalynyń aqparatyna sáıkes kúnniń jylynýyna baılanysty oblystyń jazyq jerlerinde qar kúrt erip, qarǵyn sý kóbeıýıedi dep boljanǵan.
