ShQO-ǵa gashıshtiń asa iri partııasyn jetkizbek bolǵan eki er adam ustaldy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri gashıshtiń asa iri partııasyn tasymaldaǵan eki er adamdy qolǵa túsirdi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary esirtki tasymalynyń jolyn kesý maqsatynda kezekti arnaıy operatsııa ótkizdi. Bul joly Jarma aýdanyna jetkizilmek bolǵan esirtki zattarynyń asa iri partııasy tárkilendi.

«Jambyl oblysynyń turǵyny men onyń sybaılasy esirtkini ońtústikten avtokólikpen jetkizgen. Keıin ony aýyldaǵy jastar arasynda saýdalamaq boldy. Kúdiktilerdi ustaý «Qarasora-2021» respýblıkalyq jedel aldyn alý sharasy aıasynda júrgizilgen. Avtokólikti tintý barysynda 8 keliden astam gashısh tárkilendi. Bul bir jarym myńnan astam dozaǵa teń», - dedi oblystyq Polıtsııa departamentiniń bastyǵy Saǵat Mádıev.

Onyń aıtýynsha, búginde esirtki qylmysyna qarsy is-qımyl Іshki ister mınıstri aıqyndaǵan basym mindetterdiń biri. Sondyqtan óńir polıtseıleri osy baǵyttaǵy qalyptasqan jaǵdaıdy muqııat qadaǵalap, zańsyz áreketterdiń jolyn kesýge tyrysýda.

Eki er adam sot sanktsııasymen qamaýǵa alyndy. Qazirgi ýaqytta QR QK-niń 297-babyna sáıkes tergeý amaldary júrgizilýde. Kúdiktiler 15 jylǵa deıin bas bostandyqtarynan aıyrylýy múmkin.