ShQO-ǵa «Eńbek» baǵdarlamasy boıynsha 6 myńǵa jýyq adam qonys aýdarǵan
ShQO Aqparat ortalyǵynyń málimetine súıensek, 2017-2021 jyldary kvota boıynsha óńirge 5970 adam kelgen. Erikti qonys aýdarýshylarǵa jalpy somasy 1,4 mlrd teńge sýbsıdııa tólendi.
«Eńbek» baǵdarlamasyn iske asyrý basqa memlekettik damý baǵdarlamalarymen birge eńbek jáne jumyspen qamtý naryǵyna oń paıdasyn tıgizdi. Jumyssyzdyq deńgeıin tómendetip, qajetti mamandardy jumyspen qamtydy. Bıyldan bastap jumyssyzdardy azaıtý úshin «Qýatty óńirler – el damýynyń draıveri» jańa ulttyq jobasy qolǵa alynǵan. Sondaı-aq kásipkerlikti damytýdyń 2021-2025 jyldarǵa arnalǵan jobasy iske asyrylady», - delingen habarlamada.
Osy jyly qarjylandyrýdyń barlyq kózderinen halyqty jumyspen qamtý jónindegi is-sharalardy iske asyrýǵa 6,7 mlrd teńge jumyldyrylǵan.
«Baǵdarlamamen tek jastardy ǵana emes, aǵa býyn ókilderin qamtý úshin bıyl «Kúmis jas» jańa jobasy ázirlendi. Ondaǵy maqsat - zeınet jasyna jaqyn adamdar úshin sýbsıdııalanatyn jumys oryndaryn qurý. 1 qatysýshyǵa beriletin sýbsıdııa 91 890 teńgeni quraıdy. Bıyl osy baǵdarlamamen 530 adamdy qamtý kózdelip otyr. 584 mln teńgege bıýdjettik ótinim daıyndaldy», - delingen aqparatta.