ShQO-ǵa basqa qaladan esirtki tasymaldap kelgen adam ustaldy

ÓSKEMEN.KAZINFORM - Shyǵys Qazaqstan oblysynda polıtseıler 20 keliden astam esirtkini tárkilendi.

Oblystyq Polıtsııa departamenti baspasóz qyzmetiniń málimetine súıensek, «Qarasora» jedel aldyn alý sharasy aıasynda polıtseıler esirtki jetkizý arnasyn anyqtady.

- Sonyń barysynda óńirdiń 34 jastaǵy turǵyny ustaldy. Ol iri kólemdegi esirtkini basqa qaladan jetkizgeni belgili boldy, - delingen aqparatta.

Onyń úıin tintý kezinde jalpy salmaǵy 20 keliden asatyn marıhýana tárkilendi. Anyqtalǵandaı, «taýar» ári qaraı baılanyssyz jolmen satýǵa arnalǵan.

- Atalǵan fakti boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaldy, - delingen habarlamada.

Eske salsaq, osyǵan deıin Mańǵystaýda esirtki tasymalynyń joly kesilgeni habarlanǵan.