ShQO-ǵa 200-den astam dáriger jetispeıdi
ÓSKEMEN. QazAqparat - Shyǵys Qazaqstan oblysynyń aýrýhanalarynda 200-den astam dáriger jetispeıdi, dep habarlaıdy QazAqparat.
Óńirge pedıatr, terapevt, anestezıolog, gınekolog jáne psıhıatr mamandary qajet. Dáriger tapshylyǵy negizinen Ana men bala ortalyǵynda, oblystyq mamandandyrylǵan medıtsınalyq ortalyqta jáne Óskemendegi №4 qalalyq aýrýhanada sezilýde.
«Oblysta aq halattylardyń aıtarlyqtaı jetispeýshiligi baıqalǵandyqtan jas mamandardy tartý maqsatynda birqatar sharalar qolǵa alynǵan. Elimizdegi medıtsınalyq joǵary oqý oryndary túlekteriniń tizimi udaıy aýrýhanalarǵa jiberilip otyrady. 2019 jyldan bastap memlekettik grant negizinde bilim alǵan túlekter jergilikti medıtsınalyq mekemelerde jumys isteýge mindettelýde. Endi aqyly bólimniń stýdentteri ǵana jumys tańdaý quqyǵyna ıe», – dep habarlady ShQO Densaýlyq saqtaý basqarmasy.
Talǵatjan Muhametbekuly
