ShQO: Evgenıı Rymarev pen Aleksandr Shın Ýnıversıadanyń eń nátıjeli oıynshylary dep tanyldy
ÓSKEMEN. 23 jeltoqsan. QazAqparat - Trentınoda ótken Búkilálemdik qysqy stýdentter Ýnıversıadasynyń qorytyndysy boıynsha, Qazaqstan quramasynyń oıynshysy, «Qaztsınk-Torpedonyń» shabýylshysy Evgenıı Rymarev úzdik bolyp tanyldy.
Ol 6 matchta 7 gol soǵyp, 7 nátıjeli shaıba berdi. 14 upaımen Rymarev týrnırdiń úzdik shabýylshysy atandy. Odan keıingi orynda onyń seriktesi, 6 matcha 13 upaı jınaǵan Aleksandr Shın tur, dep habarlady hokkeı klýbynyń baspasóz qyzmetinen.
Quramynda joǵary nátıjeli oıynshylary bola tura bizdiń stýdentter quramasy Kanadany uta almady. 2:6 esebimen utylǵan qazaqstandyqtar Búkilálemdik stýdentter oıynynyń kúmis júldesin aldy.
Eske sala keteıik, Qazaqstan hokkeıiniń tarıhynda bizdiń stýdentter quramasy bir-aq ret Ispanııada 1995 jyly jeńimpaz atanǵan bolatyn. Onda qurama Valerıı Kırıchenkonyń jetekshiligimen qatysty. 1993 jyly Polshada bizdiń el quramasy kúmis júldege ıe boldy.
Sonymen birge, qazaqstandyqtardyń qorjynynda bir qola (Týrın qalasy, 2007 jyl) jáne eki tórtinshi oryn (Harbın qalasy, 2009 jyly jáne Erzýrým qalasy, 2011 jyly) bar.
