ShQO: Ertis ózeninde balyqtyń neden qyrylǵany belgili boldy
Esterińizge sala ketsek, 9 sáýirde Óskemen qalasynda ornalasqan «Samal» saıabaǵyndaǵy Ertis ózeninde balyq qyrylǵandyǵy habarlanǵan.
Osyǵan qatysty «Balyq sharýashylyǵy ǴÓO» JShS-niń Altaı fılıaly, ShQO Tabıǵı resýrstar jáne tabıǵat paıdalanýdy retteý basqarmasynyń Orman jáne ańshylyq sharýashylyǵynyń jedel qımyl jasaǵy jáne Zaısan-Ertis oblysaralyq basseındik balyq sharýashylyǵy ınspektsııasynyń qyzmetkerleri sol jerge baryp tekserý júrgizdi. Ózennen 30 keli balyq jınalǵan. Sondaı-aq taldaý júrgizý úshin sý men balyqtan synama alyndy.
«Balyq sharýashylyǵy ǴÓO» JShS Altaı fılıalynyń 13 sáýirdegi №01-037/49 hattamasyna sáıkes torta, taban, alabuǵa balyqtarynyń qyrylǵandyǵy anyqtaldy. Al balyq ólikteri arasynan móńke tabylmaǵan. Bıologııalyq taldaý nátıjeleri boıynsha balyqtarda syrtqy jáne ishki zaqymdanýlar bolǵan joq. Іshki organdary patologııalyq ózgerissiz», - delingen ShQO boıynsha Ekologııa departamenti taratqan málimette.
Sondaı-aq hımııalyq taldaýǵa sáıkes, ózende aýyr metaldar kórsetkishiniń asýy anyqtalmaǵan. Qysta gıdrologııalyq deńgeıge baılanysty (0,4 – 0,6 m) sý qatyp, nátıjesinde balyqtar qyryldy. Ihtıologtardyń pikirinshe, bul tabıǵı protsess.
