ShQO eriktileri gýmanıtarlyq kómek jınaýǵa erekshe úles qosqan
ASTANA. KAZINFORM – Respýblıkalyq «2024-2026 jyldarǵa arnalǵan volonterlikti damytý jáne qoldaý jol kartasy» aıasynda jyl basynan ár oblysta front-ofıs volonterleriniń qatysýymen aýqymdy jumys júrip jatyr.
Ortalyq kommýnıkatsııalar qyzmetinde ótken brıfıngte Shyǵys Qazaqstan oblysy volonterler front-ofısiniń jetekshisi Aıdos Ádilbekov óńirdegi eriktilerdiń jumysyna toqtaldy.
Onyń aıtýynsha, ShQO-da qys mezgilinde qardyń kóp bolýyna baılanysty barlyq aýdan jáne qalalarda «Shyn júrekten» aktsııasy ótkizilip, halyqtyń áleýmettik osal toptarynyń aýlasyndaǵy qardy kúregen.
Budan bólek, kommýnaldyq mekeme qyzmetkerlerine ystyq sháı taratylǵan.
«Shyǵys Qazaqstan oblysynyń volonterleri tótenshe jaǵdaı qyzmetiniń ókilderimen birlesip, sý tasqyny qaýpi bar aýmaqtarǵa monıtorıng júrgizý, halyqqa aqparattyq túsindirý jumystaryna, jeke sektordy qardan tazartýǵa kómektesip júr», - dedi Aıdos Ádilbekov.
Sý tasqynyna baılanysty tótenshe jaǵdaı jarııalanǵan óńir turǵyndaryna kómek kórsetý maqsatynda front-ofıs volonterleri Qazaqstan halqy assambleıasy jáne jastar qoǵamdyq uıymdarymen birlesip, 20 tonnadan astam gýmanıtarlyq kómek jınap, Soltústik Qazaqstan oblysyna jóneltken.
Qazirgi tańda Atyraý oblysyna gýmanıtarlyq kómek jınaý jalǵasyp jatyr.
