ShQO eriktileri turǵyndarǵa koronavırýstyń aldyn alý sharalary týraly aqparat taratýda

ÓSKEMEN. QazAqparat – Shyǵys Qazaqstan oblysyndaǵy volonterler saýda oryndary men turǵyn úılerdi aralap, dúıim jurtqa koronavırýstyń aldyn alý sharalary týraly aqparat taratýda, dep habarlaıdy QazAqparat.

Bul shara «Biz birgemiz!» respýblıkalyq aktsııasy aıasynda qolǵa alynyp otyr.

«Volonterler koronavırýstyń aldyn alý sharalary boıynsha ázirlengen oblystyq «Dıdar» jáne «Rýdnyı Altaı» gazetteriniń arnaıy shyǵarylymdaryn Óskemen qalasynyń iri saýda oryndaryndaǵy, dúkender men bazarlardaǵy halyqqa taratty. Sonymen qatar eriktiler turǵyn úılerdi aralap, kópshilikke túsindirý jumystaryn júrgizdi. Bul aktsııany qalalar men aýdandardaǵy volonterlik shtabtary da uıymdastyryp, jalǵasyn tabýda», - deıdi ShQO Jastar resýrstyq ortalyǵynyń dırektory Araılym Esimbekova.

Aldaǵy ýaqytta óńir volonterleri zeınetkerlerge, muqtaj jandarǵa azyq-túlik, dári-dármek jetkizip bermek.