ShQO eldi mekenderinde «ekonomdy» basseınder salynýy múmkin
KÝRChATOV. QazAqparat - Shyǵys Qazaqstan oblysynyń ákimi Kýrchatov qalasynda bolyp, ondaǵy birqatar nysandardy aralap kórdi, dep habarlaıdy QazAqparat altaynews.kz saıtyna silteme jasap.
Máselen, aımaq basshysy Kýrchatovta salynyp jatqan jabyq basseınniń sapasyna joǵary baǵa berip, mundaı sporttyq nysandar oblystyń ózge eldi mekenderinde de bolýy kerektigin atap ótti.
«Rýhanı jańǵyrý» baǵdarlamasy jáne memlekettik-jekeshelik əriptestik aıasynda salynyp jatqan basseınniń quny shamamen 117 mıllıon teńgeni quraıdy. Oblys əkimi bul óte tıimdi baǵa ekenin aıtty.
«Ədette mundaı basseınderdiń qurylysyna úsh ese kóp qarajat jumsalady. Sondyqtan bul tamasha joba ekenin aıtqym keledi. Nysannyń sapasy da oıdaǵydaı. Merdiger kompanııa kelisse, biz dəl osyndaı basseınderdiń taǵy altaýyna tapsyrys berýge daıynbyz. Nege deseńiz, jobanyń quny unap tur. Negizi, osy tərizdes basseınderdiń qurylysyna 300 mıllıondaı teńge kóleminde qarajat ketedi», - dedi D.Ahmetov.
Júzý basseıniniń uzyndyǵy - 25, eni - 8, al tereńdigi 1,6 metrdi quraıdy.
Sondaı-aq óńir əkimi Kýrchatovtaǵy N4 qazandyqqa baryp, jóndeýdi qajet etetin nysannyń rekonstrýktsııalaý jónindegi jobasyna birqatar ózgeris engizdi.
Qalany abattandyrý jaǵdaıymen tanysqan ShQO basshysy Kýrchatovtyń óz kommýnaldyq qyzmeti bolýy kerektigin jetkizdi. Aıta ketsek, búginde Kýrchatov qalasynyń óz kommýnaldyq qyzmeti joq. Jospar boıynsha bul jumysty bıznes atqarýy tıis bolatyn. Alaıda kəsipkerler shahardy abattandyrýǵa qulyqsyz. Nətıjesinde sońǵy eki jylda abattandyrýǵa qatysty ótkizilgen tenderlerdi eshkim utpaǵan. Aımaq basshysy buǵan núkte qoıatyn kez kelgenin aıtty.
«Jylyna tórt tenderge deıin ótkiziledi eken, biraq bide-biri aıaǵyna deıin jetpeıdi. Ókinishke qaraı, bıznes abattandyrý jumystaryn júrgizýge qulyqsyz. Sol sebepti, qalada kommýnaldyq qyzmet qurý jaǵyn oılastyrýymyz qajet. Kýrchatov búgingi toz-tozy shyqqan qala keıpinen arylýy tıis», - dedi ol.
Aımaq basshysy qalany aralaý barysynda kósheler men aýlalardyń abattandyrylýyn qatty synǵa aldy. Onyń aıtýynsha, shahar Ulttyq ıarolyq ortalyq pen burynǵy Semeı polıgonynyń jaqyn ornalasýyna baılanysty zor týrıstik əleýetke ıe. Sol sebepti, qalanyń qaq ortasyndaǵy qoqys úıindilerinen tezirek arylý qajet.
«Qalalyq əkimdik mamandary bıyl Kýrchatovtaǵy 32 aýlanyń 15-in qalpyna keltirý josparlanǵanyn aıtty. Bul maqsatqa shamamen 100 mıllıon teńge jumsalmaq eken. Meniń oıymsha, mundaı jumysty barlyq aýlada júrgizý kerek. Qajet bolsa, taǵy 100 mıllıon teńge bólemiz. Tek aýlalardy tezirek jónge keltirińizder. Qajet bolsa, oblys ortalyǵynan qosymsha jumys kúshin jiberýge daıynbyz», - dedi aımaq basshysy.
Budan bólek, D.Ahmetov Kýrchatovta tórt jyl boıy qańyrap, bos turǵan 64 pəterlik turǵyn úıdi jóndeý jumystarymen tanysty.
«Bul úıdiń pəterleri birinshi kezekte muǵalimder, dərigerler men basqa da áleýmettik sala mamandaryna berilýi kerek. Bir ǵana shart, adamdar «Turǵyn úı qurylys jınaq bankiniń" salymshylary bolýy tıis», - degen ol, qala basshysy Alekseı Glazınskııge osyǵan qatysty naqty tapsyrmalar berdi.
