ShQO ekonomıkasy, óndirisi men jalaqy kólemi qandaı

ASTANA. KAZINFORM — 2025 jyly Shyǵys Qazaqstan oblysynyń ekonomıkasy turaqty oń dınamıkany kórsetip otyr. Bul týraly ShQO ákimi Nurymbet Saqtaǵanov Astanada óńirdiń áleýmettik-ekonomıkalyq damýy týraly esebinde aıtty.

— Jańa syn-qaterlerge qaramastan, biz halyqtyń turmys sapasyn jaqsartý baǵytynda naqty jumystar atqaryp kelemiz. Ónerkásip óndirisi — 129%, ınvestıtsııalar — 117%, qurylys — 116%, aýyl sharýashylyǵy — 115%-ǵa ósti, — dedi oblys ákimi Ortalyq kommýnıkatsııalar qyzmetinde.

Sonymen birge, jeke kirister — 113%-ǵa ulǵaıyp, 195 mlrd teńgege jetti. 23 myń jumys orny qurylsa, onyń 17 myńy — turaqty jumys oryndary.

Óńirdegi jumyssyzdyq kórsetkishi ortasha respýblıkalyq deńgeımen birdeı (4,6%). Ortasha aılyq jalaqy — 9,5%-ke ósken (403 myń teńge).

— Jyl sońyna deıin oblystyń jalpy óńirlik ónimi 102%-ke artyp, 5,5 trln teńgege jetedi dep kútilip otyr. Bul — shyǵysqazaqstandyqtardyń kúndelikti, adal eńbeginiń jemisi, — deıdi Nurymbet Saqtaǵanov.

Aıta keteıik, ShQO-da jylyna 50 tonna ónim beretin balyq ósirý kesheni salynady.