ShQO Ekonomıka basqarmasynyń basshysy bolyp Nursultan Maratov taǵaıyndaldy
ÓSKEMEN. KAZINFORM – Shyǵys Qazaqstan oblysy Ekonomıka jáne bıýdjettik josparlaý basqarmasynyń basshysy bolyp Nursultan Maratov taǵaıyndaldy.
Nursultan Maratov Aqtóbe oblysy Temir qalasynda dúnıege kelgen. Ulybrıtanııadaǵy Manchester ýnıversıtetinde, Nıderlandydaǵy Leıden ýnıversıtetinde, Qazaqstan Respýblıkasynyń Qarjy mınıstrligi janyndaǵy Qarjy akademııasynda jáne Reseı Syrtqy ister mınıstrliginiń dıplomatııalyq akademııasynda bilim alǵan.
Eńbek jolyn QR Investıtsııalar komıtetinde sarapshy bolyp bastady. Keıin Reseı Federatsııasyndaǵy Qazaqstan elshiliginde attashe jáne úshinshi hatshy laýazymdaryn atqarǵan.
2023 jyly elge oralyp, Shyǵys Qazaqstan oblysy ákiminiń keńesshisi qyzmetine kiristi. Al 2024 jyldyń qyrkúıeginen bastap osy ýaqytqa deıin Óskemen qalasy ákiminiń orynbasary bolyp jumys istedi.
Jańa qyzmetinde ol Shyǵys Qazaqstan ekonomıkasyn aldaǵy jyldary aıqyndaıtyn basym jobalardy iske asyrý, ınvestıtsııalyq ahýaldy jaqsartý jáne bıýdjetti josparlaý máselelerin qadaǵalamaq.
Eske salsaq, osyǵan deıin ShQO-da týrızm basqarmasyna jańa basshy taǵaıyndalǵany habarlanǵan.