ShQO ekologtary sý men topyraq synamasyn sol jerde zertteıtin jyljymaly jabdyqpen qamtylady

ÓSKEMEN. QazAqparat – Shyǵys Qazaqstan oblysynyń ekologtary sý men topyraqtan alynǵan synamany birden sol jerde zertteýge múmkindik beretin mobıldi jabdyqpen qamtylmaq, dep habarlaıdy QazAqparat tilshisi.

ShQO ekologııa departamenti baspasóz qyzmetiniń málimetine súıensek, óńir boıynsha qorshaǵan ortany qorǵaý jónindegi úsh jyldyq is-sharalar josparyn júzege asyrý aıasynda sý men topyraq synamalaryn zertteýge arnalǵan jańa jyljymaly jabdyq satyp alynbaq.

«Osyndaı jabdyq kelesi jyly satyp alynady. Bul mobıldi zerthanada kompıýtermen basqarylatyn dron da bar. Osy jabdyqtyń arqasynda ekologtar qandaı da bir oqıǵa bolǵan jerge baryp, barlyq zertteýlerdi sol jerde júrgize alady. ıAǵnı, sý men topyraqtan synama alyp, zertteý nátıjesin bilý úshin Óskemendegi zerthanaǵa baryp júrmeı, oqıǵa ornynda jumys isteı beredi», - deıdi departament basshysy Danııar Álıev.

Onyń aıtýynsha, jańa jyljymaly zerthana baǵasy - shamamen 200 mln teńge.